Их Британи Умард Ирландын Нэгдсэн Хаант Улсын Гадаад хэрэг, хамтын нөхөрлөл, хөгжлийн яамны сайд Дэвид Камерон өнгөрсөн долоо хоногт "Embraer Lineage 1000" хөлөг онгоцоор, Тажикистан, Киргизстан, Узбекистан, Туркменистан, Казахстан болон Монголд тав хоногийн айлчлал хийсэн билээ. Уг айлчлалын хүрээнд дөрөвдүгээр сарын 25-26-нд Монгол Улсад айлчилсан билээ.

Төв Азийн 6 улсад хийсэн тус айлчлалдаа зориулж 42 сая фунт стерлингийн үнэтэй тансаг зэрэглэлийн онгоц хөлсөлсөн нь ихээхэн шүүмжлэл дагуулсан байна.

Кэмероны айлчлалын өмнө засгийн газар Гадаад хэргийн сайдын энэ айлчлалыг Британийн бизнес эрхлэгчдийг сурталчлах, тус бүс нутаг дах бүрэн эрх, тусгаар тогтнолыг дэмжих зорилгоор 50 сая фунт стерлингийн санхүүжилт ашиглана гэж мэдэгджээ.

Гадаад хэрэг, хамтын нөхөрлөл, хөгжлийн газрын хэвлэлийн төлөөлөгч хэлэхдээ: "Гадаад улсын нарийн бичгийн даргын ажил нь Их Британийн ашиг сонирхлыг биелүүлэхийн тулд гадаадад айлчлахыг шаарддаг. Айлчлалтай холбоотой бүх шийдвэрт мөнгөний үнэ цэнийг харгалзан үздэг бөгөөд ил тод байдлыг хангах үүднээс зардлыг тогтмол нийтэлдэг” гэжээ.

Өнгөрсөн жил Камероны өмнөх албан тушаалтан Жеймс Слеверли Карибын тэнгис болон Латин Америкийн орнуудаар найман өдрийн айлчлал хийхдээ ижил төрлийн онгоцоор 400,000 еврог (348,000 фунт стерлинг) зарцуулсан гэж шүүмжлүүлж байжээ.

Сөрөг хүчний ерөнхий прокурор Эмили Торнберри өөрийн X хуудсанд: "Дэвид Камерон долоо хоногийн дотор олон орноор аялахдаа онгоц түрээслэх шаардлагатайг би ойлгож байна, гэхдээ энэ нь татвар төлөгчдийн зардлаар хэдэн зуун мянган фунт стерлинг зарцуулж тансаг зэрэглэлийн онгоц хөлсөлж авах үндэслэл болохгүй" хэмээн шүүмжилжээ. 

Эх сурвалж: The Guardian