Оросын хөлбөмбөгийн холбооноос Крымийн хоёр баг шинэ улирлаас тус улсын лигийн хоёрдугаар дивизионд тоглох болсон тухай мэдээллээ. Эд бол Севастополийн “СКЧФ”, Ялтагийн “Жемчужина” багууд юм.
Гэхдээ оросуудын энэ санаа тийм ч амар бүтэхгүй байж мэднэ. Учир нь FIFA-гийн зүгээс энэ явдалд хориг тавьж магадгүй юм. Крымийг Орост нэгтсэн асуудал одоог хүртэл маргаан дагуулсаар байгаа тул FIFA дээрх асуудалд болгоомжтой хандаж байгаа аж. FIFA-гийн нэгэн ажилтан “Крымийн хоёр баг Оросын лигт тоглож болно гэсэн албан ёсны зөвшөөрөл одоогоор гараагүй байна” хэмээн ярьжээ.