Японы мэргэжлийн сүмогийн есдүгээр сарын тэмцээн Аки башёгийн банцүкэ гарлаа. Уламжлал ёсоор чансааг ёкозүна Хакүхо М.Даваажаргал тэргүүлсэн байна. Тэрбээр сүүлийн дөрвөн тэмцээн дараалан зүүний магнайгаас босч буй нь энэ юм. Түүнчлэн мэргэжлийн сүмогийн 71 дэх их аварга Какүрюү М.Ананд өмнөх ёкозүна Харүмафүжи Д.Бямбадоржийн өмнө гарч, баруун жигүүрийн манлайд эрэмбэлэгдэх болжээ.

Хакүхо М.Даваажаргал сүүлийн дөрвөн тэмцээн дараалан зүүний магнайгаас босч байна

Нагоягийн тэмцээний дараа озэки цол хүртсэн Гоэйдо Котошёгикү, Кисэносато нарын арслангуудтай мөр зэрэгцэн барилдах бол 35 настай хашир дайчин Такэказэ сүмогийн дээрээсээ дөрөв дэх цол болох комүсүби цолтойгоор зодоглох нь.

Дээд зиндаанд нийт 11 монгол бөх зодоглох ажээ

“Малчин сүмоч” хэмээх хочтой, 21 настай монгол рикиши Ичиножё А.Ичинноров Таканоива, Саданофүжи нарын хамтаар дээд зиндаанд барилдах гэж байна. Сонирхуулахад дээд зиндаанд нийт 11 монгол бөх зодоглох ажээ. Тэмцээн энэ сарын 14-нд эхэлнэ.

                                    Макүүчи зиндаа

Зүүн                           Цол                                   Баруун

Хакүхо                      ёкозүна                              Какүрюү

Харүмафүжи          ёкозүна                               -

Котошёгикү              озэки                                  Кисэносато

-                                   озэки                                 Гоэйдо

Миёгирюү                 сэкивакэ                            Такэказэ

Жокорюү                   комүсүби                          Чиётайрюү

Тэрүнофүжи          маэгашира 1                        Эндо

Такавасү                   маэгашира 2                        Тоёношима

Аоияма                     маэгашира 3                        Ёшиказэ

Такарафүжи             маэгашира 4                        Осүнаараши

Тоёохибики              маэгашира 5                        Икиой

Аминишики             маэгашира 6                        Кайсэй

Шохозан                    маэгашира 7                        Чиёотори

Точиозан                   маэгашира 8                        Араваши

Тамаваши               маэгашира 9                        Точиновака

Ичиножё                  маэгашира 10                      Китатайки

Чиёмарү                   маэгашира 11                       Таканоива

Саданоүми               маэгашира 12                       Саданофүжи

Хомашё                     маэгашира 13                      Сококүраи

Кёкүтэнхо                маэгашира 14                      Азүмарюү

Кёкүшүхо                 маэгашира 15                      Окиноүми

Токитэнкү               маэгашира 16                       Кагамио