Солонгос улс сүүлийн үед гадаадаас бэр буулгадагаараа дэлхий дахинд алдаршаад байгаа. Тус улсад энэ талаар мэргэшсэн зуучлалын хагас сая орчим байгууллага байдаг байна. Тэгвэл гэр бүл зуучлалын холбооноос нэгэн сонирхолтой судалгааг гаргажээ. Энэхүү судалгаагаар хангүг эрчүүдтэй суухдаа хамгийн өндөр зардал гаргадаг бүсгүйчүүдээр Узбек бэрүүд шалгарчээ. Тэд хуримаа хийхдээ дээд зэрэглэлийн үйлчилгээг захиалж, солонгосын телевизийн нэвтрүүлэгт ихээр оролцдог байна. Харин хамгийн хямд өртгөөр гэрлэдэг бүсгүйчүүдээр Хятад бэрүүд тодорч түүний дараа Вьетнам, Филлипин, Монголын бүсгүйчүүд орж байгаа бөгөөд тэдний ханш дунджаар 15 сая орчим вон болдог гэнэ.