Японы мэргэжлийн сүмогийн холбооны Ёкозүнагийн асуудал эрхэлсэн хороо энэ сарын 24-нд буюу өчигдөр Токио хотноо хуралдлаа. Энэ хуралдаанаар Хару башёд 14 ялж түрүүлэн, ёкозүна цолны болзол хангасан Монголын озэки Какүрюүд аварга цол олгохоор болжээ. Хорооны гишүүд түүнийг зуун хувь дэмжсэн байна. Тэрээр энэ сарын 26-нд Исуцу Бэйя ордонд Их аварга цолны сертификатаа гардан авна.