“Ээжээс ерөөл хүсэх дуу”  “Эрийн сайхан хийморь”  “Чойномын гунигт дуун” зэрэг бүтээлүүдээрээ үзэгч сонсогчдынхоо танил болсон Урлагийн гавьяат зүтгэлтэн, хөгжмийн зохиолч Б.Бямбабаярын “Дэндүү дээ дэндүү” уран бүтээлийн цэнгүүн ирэх сарын 2- нд болно. Тэрбээр сүүлийн үед тайз дэлгэцийн уран бүтээлд чамгүй амжилт олж яваа нэгэн бөгөөд “Гэгээн Муза” наадмаас хоёр ч  удаа шагнал хүртэж “Янзаган хүрээ” музикл, “Хязгааргүй” моно-опера, “Хүннү” дуурь зэрэг дорвитой бүтээлүүд туурвиж авъяасаа асгаж яваа чадварлаг уран бүтээлч юм байна.