Жүдо бөхийн гранпри зэрэглэлийн тэмцээн өнгөрсөн амралтын өдрүүдэд Узбекистаны нийслэл Ташкент хотноо боллоо. Тэмцээнд 42 орны 282 бөх зодоглоход 14 бөхтэй Монголын баг гурван алт, гурван мөнгө, 4 хүрэл, нийт 10 медаль хүртэж, нийлбэр дүнгээр тэргүүн байрт залрав. Эрчүүдийн 73 кг-д манай хоёр шилдэг бөх хоорондоо алт булаалдахад Лондоны олимпийн медальт С.Ням-Очир түрүүлж, дэлхийн аварга Х.Цагаанбаатар үзүүрлэв. Түүнчлэн эрчүүдээс гавьяат тамирчин Д.Амартүвшин (60 кг), ОУХМ Б.Тэмүүлэн (+100 кг) нар аваргалж, Д.Алтансүх (66 кг) мөнгө, Г.Хэрлэн (60 кг), О.Ууганбаатар (81 кг) нар хүрлийн эзэн болсон. Харин эмэгтэй дөрвөн бөхийн гурав нь шагналын тавцанд гишгэсэн байна. Залуу тамирчин А.Цолмон (52 кг) өөрийн жиндээ үзүүрлэсэн бол Г.Отгонцэцэг (48 кг), Ц.Мөнхзаяа (63 кг) нар хүрэл медаль хүртлээ.

Медаль авсан орнууд

Улс                             Алт     Мөнгө Хүрэл Нийт

1.Монгол                    3          3          4          10

2.Румын                     2           -           -           2

3.Узбекистан             1          2          3          6

4.Израиль                  1          1          -           2

5.Бельги                     1          1          -           2

6.Украин                    1          1          -           2

7.Герман                     1          -           3          4

8.Польш                     1          -           2          3

9.Египет                     1          -           1          2

10.Франц                   1          -           1          2

11.Грек                       1          -           -           1

12.Австри                  -           3          -           3

13.ОХУ                      -           1          3          4

14.Турк                      -           1          -           1

15.Хорват                  -           1          -           1

16.Бразил                  -           -           2          2

17.Их Британи         -           -           2          2

18.Итали                   -           -           1          1

19.Испани                 -           -           1          1

20.Португал              -           -           1          1

21.Казахстан             -           -           1          1

22.Унгар                    -           -           1          1

23.Серб                     -           -           1          1

24.Швед                    -           -           1          1

Жүдо бөхийн Ташкентийн гранприд Монголын 14 бөх зодоглож, 10 нь медаль дээр буулаа.