Английн хөлбөмбөгийн холбоо (FA) сүүлийн гурван жилийн хугацаанд олон нийтийн мэдээллийн сүлжээгээр зохисгүй үг хэрэглэж, бусдыг дайрч доромжилж, өдөөн хатгасан утгатай “жиргэсэн” хөлбөмбөгчдийг 350 мянган фунт-стерлингээр торгожээ. Премьер-лигийн тоглогчдоос “Ливерпуль”-ийн довтлогч Райан Бабел хамгийн анх торгуулсан (2010/11 оны улиралд) бол “Челси”-гийн жигүүрийн хамгаалагч Эшли Коул хамгийн өндөр буюу 90 мянган паундаар торгуулсан билээ. Тэгвэл “Куинз Парк Рейнжерс”-ийн төвийн хамгаалагч Рио Фердинанд мөнгөөр бус гурван тоглолтод оролцох эрхээ хасуулсан юм.