Төрийн өмчит их, дээд сургуулиудад салбарын яамнаас боловсролын шинэчлэлт хийж байгаа. Шинэчлэлийн хүрээнд МУБИС нь сургалтын гурван улиралтай болсон бөгөөд намрын улирлын хичээл наймдугаар сарын 18-нд эхэлсэн билээ. Дээд боловсролын тухай хуулиар 15-16 долоо хоногоос доошгүй хугацаанд хичээллэх ёстой юм байна. Тиймээс тус сургуулийн оюутнууд ирэх сарын 5-наас, хоёрдугаар сарын 1-нийг хүртэл амрах аж. Харин хаврын улирлын хичээл тавдугаар сарын 5-ныг хүртэл үргэлжлэх юм байна.