Украины хөлбөмбөгийн “Днепр” баг ханшийн зөрүүний өөрчлөлтөөс болж тоглогчдынхоо цалинг хассан тухай Tribuna.com мэдээллээ. Украины мөнгөн тэмдэгт гривнагийн доллартай харьцах ханш сүүлийн үед огцом суларч байгаа юм. “Днепр”-ийн хөлбөмбөгчдийн цалин оны эхэн үетэй харьцуулахад хоёр дахин багасчээ. “Днепр” багийн хувьд цөөнгүй гадаад тоглогчидтой. Тэдний цалинг доллараар төлөх гэрээ байгуулсан нь багийн ашгийг бууруулсан байна.