Азийн элсний спортын наадам Тайландын Пукет хотноо 13 хоног үргэлжилж, өчигдөр хөшгөө хаалаа. Шар тивийн 43 орны 2335 тамирчин оролцсон энэхүү наадамд монголчууд 32 хүнтэй томхон баг илгээсэн юм.

Манайхан өмнөх хоёр наадмаас нэг алт, нэг хүрэл медаль авсан бол энэ удаа амжилтаа огцом ахиулж, зургаан алт, дөрвөн хүрэлтэйгээр багаараа 9-д жагслаа. “Пукет 2014”-ийн хөтөлбөрт самбо, кураш, жиү-жицү зэрэг бөхийн төрлүүд багтсан нь медалийн тоо нэмэгдэхэд шууд нөлөөлсөн. Алтан медалийг Д.Төмөрхүлэг (самбо, 68 кг), Г.Түвшинжаргал (самбо 82 кг), Т.Баттөгс (самбао 64 кг), Б.Сайнбуян (самбо 82 кг), С.Батгал (жиү-жицү 60 кг), Б.Буяндэлгэр (жиү-жицү +60 кг) нар авчирсан. Харин хүрэл медалийг О.Болд-Эрдэнэ (жиү-жицү 90 кг), А.Давааням (кураш +90 кг), С.Мядагмаа (муа-тай бокс 54 кг) болон самбын эрэгтэйчүүдийн баг хүртсэн юм.

Зохион байгуулагч Тайланд 56 алт, нийт 126 медальтайгаараа багаараа хол тасархай өнгөлсөн бол БНХАУ, БНСУ-ын баг аман хүзүүдэв. Дараагийн наадам 2016 онд Вьетнамын Нячанг хотноо болох аж.

Медаль хүртсэн орнууд

Улс                             Алт     Мөнгө   Хүрэл   Нийт

1.Тайланд                   56        37          33          126

2.БНХАУ                    16        11          21          48

3.БНСУ                       9          14          14         37

4.Иран                         8          14          8          31

5.Вьетнам                   8          11         20        40

6.Казахстан                7          9           10         27

7.Индонез                   7          7          14        28

8.Япон                        7          5          7          19

9.Монгол                    6          -           4          10

10.Бахрейн                5          2           -           7

11.АНЭУ                   4          3          5          12

12.Узбекистан           4          -           6          10

13.Тайвань                3          8          6          17

14.Филиппин            3          2          7          12

14.Хонконг               3          2          7          12

16.Пакистан             2          4          4          10

17.Ливан                   2          3          3          8

18.Лаос                     2          2          8          12

18.Катар                    2          2          8          12

20.Энэтхэг                2          1          7          10

21.Сингапур             2          -           2          4

22.Кувейт                  1          4          6          11

23.Туркменистан     1          3          7          11

24.Сири                    1          1          6          8

25.Тажикистан        1          -           2          3

26.Бруней                 1          -           -           1

27.Малайз                -           8          8          16

28.Кыргызстан        -           3          3          6

29.Ирак                     -           2          3          5

30.Афганистан        -           2          2          4

31.Мьянмар             -           1          2          3

32.Макао                   -           1          -           1

32.Оман                    -           1          -           1

32.Йемен                  -           1          -           1

35.Шри Ланк           -           -           2          2

36.Камбож                -           -           1          1

36.Йордан                -           -           1          1

36.Непал                  -           -           1          1