Шатрын хаан титмийн төлөөх халз тоглолт дэлхийн аварга цолыг эзэмшигч Норвегийн их мастер Магнус Карлсены ялалтаар өндөрлөлөө. Хэдхэн сарын өмнө өвлийн олимпийн XXII наадам явагдсан Сочи хотноо болсон энэхүү тулаан хоёр долоо хоног орчим үргэлжилж, 11 дэх тавилд цагаанаар наадсан Карлсен хожсоноор дуэльд 6.5:4.5-аар илүүрхэв. Ингэснээр дэлхийн аварга нэг өргийн өмнө цолоо хамгаалж, шагналын сангийн 60 хувь болох 600 мянган еврог хүртэх эрхтэй боллоо.  

“Би их баяртай байна. Өнгөрсөн жилийнхээс хавьгүй хүнд тоглолтууд байлаа. Өнөөдрийн өрөгт миний бодсон бүхэн биеллээ. Ананд маш хүчтэй шатарчин. Гэхдээ өнөөдөр түүнд боломж бараг гараагүй. Сочи хот надад их таалагдсныг хэлмээр байна. Бүх зүйлийг энд үнэхээр өндөр түвшинд зохион явууллаа” гэж Магнус Карслен хэлжээ.

“Нэгэнт тэнцээ надад хангалтгүй учраас өргийн явцад би эрсдэлтэй алхам хийхийг зорьсон. Гэвч энэ нь оновчтой алхам болсонгүй. Карслен алдаа гаргасангүй. Өнөөдөр надад эрсдэлтэй алхам хийж, азаа үзэхээс өөр арга байгаагүй. Ер нь Карлсен энэ өрсөлдөөнд бүхэлдээ надаас илүү байлаа” гэж Вишванатан Ананд өгүүлжээ.

Карлсен – Ананд

1.e4 e5 2.Кf3 Кc6 3.Сb5 Кf6 4.0-0 Кxe4 5.d4 Кd6 6.Сxc6 dxc6 7.dxe5 Кf5 8.Фxd8+ Крxd8 9.h3 Сd7 10.Кc3 h6 11.b3 Крc8 12.Сb2 c5 13.Лad1 b6 14.Лfe1 Сe6 15.Кd5 g5 16.c4 Крb7 17.Крh2 a5 18.a4 Кe7 19.g4 Кg6 20.Крg3 Сe7 21.Кd2 Лhd8 22.Кe4 Сf8 23.Кef6 b5 24.Сc3 bxa4 25.bxa4 Крc6 26.Крf3 Лdb8 27.Крe4 Лb4 28.Сxb4 cxb4 29.Кh5 Крb7 30.f4 gxf4 31.Кhxf4 Кxf4 32.Кxf4 Сxc4 33.Лd7 Лa6 34.Кd5 Лc6 35.Лxf7 Сc5 36.Лxc7+ Лxc7 37.Кxc7 Крc6 38.Кb5 Сxb5 39.axb5+ Крxb5 40.e6 b3 41.Крd3 Сe7 42.h4 a4 43.g5 hxg5 44.hxg5 a3 45.Крc3 1−0

Шатрын дэлхийн аваргууд

1.Вильгельм Стейниц (Австри-Унгар, АНУ)                   1886-1894

2.Эмануэль Ласкер (Герман)                                              1894-1921

3.Хосе Рауль Капабланка (Куба)                                        1921-1927

4.Александр Алехин (ЗХУ, Франц)                                    1927-1935, 1937-1946

5.Макс Эйве (Голланд)                                                        1935-1937

6.Михаил Ботвинник (ЗХУ)                                                1948-1957, 1958-1960, 1961-1963

7.Василий Смыслов (ЗХУ)                                                  1957-1958

8.Михаил Таль (ЗХУ)                                                           1960-1961

9.Тигран Петросян (ЗХУ)                                                     1963-1969

10.Борис Спасский (ЗХУ)                                                     1969-1972

11.Роберт Фишер (АНУ)                                                      1972-1975

12.Анатолий Карпов (ЗХУ)                                                  1975-1985

13.Гарри Каспаров (ЗХУ, ОХУ)                                           1985-1993

14.Владимир Крамник (ОХУ)                                               2006-2007

15.Вишванатан Ананд (Энэтхэг)                                          2007-2013

16.Магнус Карлсен (Норвеги)                                               2013 оноос