m.mn
түрүүлж мэдээлнэ
Архив
2014.12.18 11:01
205
С. Далхаасүрэн: Аймгийн шилдгүүдээ тодруулахад амаргүй байх бололтой

Өвөрхангай аймгийнхан энэ жилээс оны шилдэгээ тодруулах "Алтан соёмбо" арга хэмжээг зохион байгуулахаар болжээ. Улаанбаатар хот дахь нутгийн зөвлөлийн гүйцэтгэх захирал С.Далхаасүрэнгээс энэ талаар тодрууллаа.

-Танай аймгийн олон холбоо нийслэлд байдаг юм билээ. Тэд нэгдээд ийм арга хэмжээ зохион байгуулж байгаа юу?

--Тийм ээ. Манай аймгийн залуучууд, эмэгтэйчүүд, оюутнуудын ТББ-ууд холбоод маань жил бүр тус тусдаа шинэ жилийн баяраа тэмдэглэн, оны шилдгүүдээ шалгаруулж, олон арга хэмжээ зохион байгуулдаг байсан. Харин энэ жилээс эдгээр ТББ-ууд маань нэгдэн нутгийн зөвлөлийнхөө удирдлаган дор "Алтан соёмбо-2014" хүндэтгэлийн үйл ажиллагаа best of uvurkhangai шинэ жилийн цэнгүүнийг зохион байгуулах гэж байна.

-Ямар ямар салбарын шилдгүүдээ шалгаруулах вэ?

-Нийт зургаан хүнийг шилдгээр шалгаруулж Алтан соёмбо гардуулна, Үүнд Улс төр, бизнес, соёл урлаг, спорт, оны онцлох залуу болон аймгийн шилдэг менежер гэсэн чиглэлээр шилдгүүдээ шалгаруулна.

-Өвөрхангай аймгийнхан маань салбар бүртээ шилдгүүд олонтой шүү дээ. Өрсөлдөх хүний тоо олон байна уу?

-Өрсөлдөгч олон байна шүү. Таны хэлдгээр манай аймаг салбар бүрийн шилдгүүд олонтой. Шалгаруулахад амаргүй байх бололтой. Бид зохион байгуулах комисс дээрээ олон олон шалгуур үзүүлэлтүүдийг тавьж шалгаруулах болно.

-Санал асуулгаа цахимаар авах уу?

-Энэ жилдээ зохион байгуулах комисс шилдгүүдээ шалгаруулна. Дараа жилээс нутгийн зон олны саналаар шалгаруулах бодолтой байна.

-Та бүхний ажилд амжилт хүсье.