Дархан-Уул аймгаас "ГОТИ 3" төсөлд хамрагдаж байгаа өөрийн гэсэн гэр оронгүй орц, хонгил, дулааны худагт амьдардаг 15 иргэнийг түр ажлын байраар ханган, нийтийн эзэмшлийн явган хүний зам тайлбайн цасыг цэвэрлүүлж байна. Нэг хүн өдрийн 18 мянган төгрөгөөр цалинжин тав хоногийн хугацаанд энэ ажлыг хийх юм. Өнөөдрөөс эхлэн гурван хоног хуучин Дарханы "Хаан" банкны өмнөөс 18-ын буудал хүртэлх явган хүний замыг цэвэрлэж дуусгах бол үлдсэн хоёр хоногт шинэ Дарханы төв шуудангийн өмнөх нийтийн эзэмшлийн зам талбайг цэвэрлэнэ.

15 иргэнийг түр ажлын байраар ханган, нийтийн эзэмшлийн явган хүний зам тайлбайн цасыг цэвэрлүүлж байна

Өмнөх жил "ГОТИ 2" төсөлд нийт 60 гаруй иргэн хамрагдан тодорхой хэмжээгээр нийгэмшсэн. Энэ удаа өөрийн гэсэн гэр оронгүй орц, хонгил, дулааны худагт амьдардаг 70 гаруй иргэн "ГОТИ 3" хөтөлбөрт хамрагдаад байгаа юм. Дархан сумын ЗДТГ, НХҮХ, ЦГ зэрэг төрийн 10 гаруй байгууллага хамтран энэ удаагийн хөтөлбөрийг хэрэгжүүлж шат дараатай ажлуудыг зохион байгуулж эхлээд байна.