m.mn
түрүүлж мэдээлнэ
Архив
2015.01.27 00:17
34
Дөрвөн байнгын хороо хуралдана

Төрийн ордонд өнөөдөр дөрвөн байнгын хороо хуралдаж, дараах асуудлыг хэлэлцэнэ. Тодруулбал,

1.Төсвийн байнгын хорооны хуралдаан  “Г” танхимд 09.00 цагаас эхлэх бөгөөд Гаалийн тухай хуульд нэмэлт оруулах тухай, Газрын төлбөрийн тухай хуульд нэмэлт оруулах тухай, Үл хөдлөх эд хөрөнгийн албан татварын тухай хуульд нэмэлт оруулах тухай, Аж ахуй нэгжийн орлогын албан татварын тухай хуульд нэмэлт оруулах тухай, Нэмэгдсэн өртгийн албан татварын тухай хуульд нэмэлт оруулах тухай хуулийн төслүүд /Засгийн газар 2014.06.12-ны Чөлөөт бүсийн тухай хуулийн төслийн хамт өргөн мэдүүлсэн, анхны хэлэлцүүлийг хийж, санал, дүгнэлтээ Эдийн засгийн байнгын хороонд хүргүүлнэ.

2.Хууль зүйн байнгын хорооны хуралдаан 09.00 цагаас “В” танхимд болох бөгөөд Хууль тогтоомжийн төсөл боловсруулах, өргөн мэдүүлэх, хууль тогтоомжийг хэрэгжүүлэх журмын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.01.23-ны өдөр өргөн мэдүүлсэн, хэлэлцэх эсэх/;

Зөвшөөрлийн тухай болон холбогдох бусад хуулийн төслүүд /Засгийн газар 2014.06.13-ны өдөр өргөн мэдүүлсэн, анхны хэлэлцүүлэг, санал дүгнэлтээ Эдийн засгийн байнгын хороонд хүргүүлнэ/;

Монгол хэлний тухай болон холбогдох бусад хуулийн төслүүд /Улсын Их Хурлын гишүүн М.Батчимэг нарын зургаан гишүүн 2014.06.16-ны өдөр өргөн мэдүүлсэн, санкцтай холбоотой асуудлаар, анхны хэлэлцүүлэг, санал, дүгнэлтээ Нийгмийн бодлого, боловсрол, соёл, шинжлэх ухааны байнгын хороо болон Төрийн байгууллатын байнгын хороонд хүргүүлнэ/.

3.Байгаль орчин, хүнс, хөдөө аж ахуйн байнгын хорооны хуралдаан 14.00 цагаас “А” танхимд хуралдаж, Байгаль орчны төлөв байдлын 2014, 2015 оны тайланг сонсох, Агаарын бохирдлыг бууруулах дэд хорооны даргыг сонгох тухай асуудлыг хэлэлцэнэ. 

4.Өргөдлийн байнгын хорооны хуралдаан 13.00 цагаас “Г” танхимд Өргөдлийн байнгын хорооны дүрмийг шинэчлэн батлах тухай, Өргөдлийн байнгын хорооны гишүүдийн ажиллах чиг үүргийн хуваарийг шинэчлэн батлах тухай, Өргөдлийн байнгын хорооны бүрэлдэхүүнд өөрчлөлт орсонтой холбогдуулан ажлын хэсэг байгуулах тухай 2014 оны 02, 10 дугаар тогтоолуудад өөрчлөлт оруулах тухай, Бэлчээрийн асуудлаар ирүүлсэн иргэдийн өргөдлийг Байнгын хорооны хэлэлцүүлэгт бэлтгэх үүрэг бүхий ажлын хэсэг байгуулах тухай, Өргөдлийн байнгын хорооны 2015 оны үйл ажиллагааны төлөвлөгөөг батлах тухай, Өргөдлийн байнгын хорооны 2014 оны шийдвэрүүдийн хэрэгжилтийн тухай хэлэлцэнэ.