МУЗН-ийн Ерөнхийлөгч, УИХ-ын гишүүн Н.Энхболд энэ сарын 24-27-ны өдрүүдэд БНСУ-д айлчилж байна. Тэрбээр тус улсын нэр хүнд бүхий Хансеогийн Их сургуульд зочилж, Төрийн захиргааны удирдлагын ухааны Хүндэт докторын цол гардаж авлаа. Мөн Н.Энхболд айлчлалын хоёр дахь өдрөө БНСУ-ын Улаан загалмай нийгэмлэгийн Ерөнхий нарийн бичгийн даргын газрын үйл ажиллагаатай танилцахаас гадна Улаан загалмай нийгэмлэгийн харъяа Яаралтай түргэн тусламжийн төвд зочилно.