МИАТ компанийн 70 жилийн ойн хүрээнд Хан-Уул дүүргийн Нэгдсэн эмнэлэгт “Үйлчлүүлэгчдэд ээлтэй загвар тасаг”-ийг бүрэн тохижуулан хүлээлгэн өгөв. Тус компанийн энэхүү сайн үйлсийн аян нь дүүргийн иргэдийн эрүүл мэндийг дэмжих, сахин хамгаалах үйлсэд үнэтэй хувь нэмэр оруулж, эмнэлгийн тусламж үйлчилгээний чанар хүртээмжийг дээшлүүлэхэд бодитой хөрөнгө оруулалт болжээ. Энэхүү “Үйлчлүүлэгчдэд ээлтэй загвар тасаг”-ийг МИАТ компаниас 15 сая төгрөгөөр иж бүрэн тохижуулсан байна.