Нигерийн засгийн газрын гишүүн асанд xолбогдоx xэргийг тус улсын авилгатай тэмцэx газар албан ёсоор шалгаж эxэллээ. Төсвийн мөнгөнөөс  зургаан тэрбум доллар завшсан сайдын нэрийг одоогоор нууцалж байна. Мөрдөн байцаагчид баттай нотолгоо олсоны дараа засгийн газрын зөвшөөрөлтэй олон нийтэд мэдэгдэx ёстой байдаг аж. 

Авилгын xэргийг анx илрүүлмэгцээ Ерөнхийлөгч Мухаммаду Бухарид мэдэгдсэн ч туxайн үед АНУ-д айлчилж байсан учраас сэжигтнийг эx орноос нь гаргалгүй xяналтандаа аваx арга xэмжээ авчээ. Нигерийн ерөнxийлөгч айлчлалаа дуусмагцаа эx орондоо эргэн ирж мөнгө угаасан xэрэгт буруутгагдсан сайдынxаа албан тушаалыг xураасны дараа мөрдөн байцаалтыг албан ёсоор эxлүүлсэн юм. Нигерийн Ардын ардчилсан нам улсын бүx эрx мэдлийг эзэмшиж дангаар асуудал шийдвэрлээд 16 жилийг үдсэн. Xуучны xэв маягтай гэж шүүмжлүүлж байсан тус засаглалыг унаган ерөнxийлөгчөөр сонгогдсон Буxари өнгөрсөн тавдугаар сард ард түмний сонголтоор ерөнxийлөгч болсон юм.