Ирэх онд Бразилийн Рио Де Жанеро хотод зуны 31 дүгээр олимпийн наадам болно. Харин 2020 онд болох 32 дугаар зуны олимп Япон улсын Токио хотноо зохион байгуулагдахаар товлогдсон.

Тэгвэл өнөөдөр Монголын Үндэсний олимпийн хороо /МҮОХ/-ноос 2020 оны Токиогийн олимпийн элчээр мэргэжлийн сумо бөхийн их аварга Хакүхо М.Даваажаргалыг сонгож,  өргөмжлөл гардуулахын зэрэгцээ МҮОХ-ны дээд шагнал "Олимпийн Алтан-Очир" одонгоор шагналаа.