m.mn
түрүүлж мэдээлнэ
Архив
2015.08.27 04:02
101
Энхийг сахиулагчдыг “Энхийн төлөө” медалиар шагналаа

Даян дэлхийн улс орнуудын амар амгалан, эв нэгдэл, энхтайвны төлөө Бүгд Найрамдах Судан Улсад НҮБ-ын энхийг дэмжих ажиллагаанд оролцож, дэлхий нийтийн анхаарлын төвд байдаг халуун цэгт авхаалж самбаа, сонор сэрэмж алдалгүй ажил үүргээ нэр төртэй биелүүлэн Мотобуудлагын дөрөвдүгээр ээлжинд үүрэг гүйцэтгэсэн Онцгой байдлын албаны 29 албан хаагчийг Онцгой байдлын ерөнхий газрын удирдлагууд хүлээн авч уулзлаа.

Энхийг сахиулах ажиллагаанд амжилт гаргаж, эх орныхоо нэрийг дуурсган албан үүргээ амжилттай сайн гүйцэтгэсэн 28 албан хаагчийг Монгол Улсын Ерөнхийлөгчийн зарлигаар “Энхийн төлөө медаль”-иар, нэг албан хаагчийг “Африкт энхийн төлөө” хүндэт тэмдгээр тус тус шагналаа.