Их Британийн дуучин Адель Европт аялан тоглохоор төлөвлөж байна. Тэрбээр аялан тоглолтоо ирэх хоёрдугаар сарын 29-нд эхлэх бөгөөд Лондон, Парис, Берлин болон бусад олон хотод тоглосоор ирэх зургадугаар сарын 13-нд Бельгийн Антверпен хотод өндөрлөх ажээ. Адель  “25” хэмээх цомог нь багагүй шуугиан дэгдээж байгаа бөгөөд худалдаанд гарснаасаа хойш Америкт л гэхэд гурван сая ширхэг борлогдсон байна. “25” цомог энэ эрчээрээ бол гарцаа байхгүй энэ оны хамгийн их борлуулалттай, шилдэг цомог болох нь тодорхой байна.