2015 оны хөлбөмбөгийн футзалын улсын аварга шалгаруулах тэмцээн ирэх сарын 3-нд эхэлнэ.

Шилдэг 32 баг найман хэсэгт дөрөв дөрвөөр хуваагдан өрсөлдөнө. Хэсгээс гарсан 16 баг хасагдах системээр хоорондоо тааран тоглоно. Өөрөөр хэлбэл ДАШТ яаж явагддаг тэрхүү системийн дагуу тэмцээн үргэлжилнэ.

Аварга болж чадаагүй ч шилдэг гурван багийн нэг болж чадвал ирэх 2016 оны нэгдүгээр сарын 9-нд эхлэх футзалын лигийн тэмцэнд оролцох эрхээ авах боломжтой. 

Өөрөөр хэлбэл футзалын төрөл ч мөн дээш доош шилжих олон улсын жишигтэй энэ жилээс эхлэн адил болж байна. Монгол улсад футзалын төрөл өндөр хөгжих боломжтойг бид бүхэн өнгөрөгч Ази тивийн тэмцээнээр тодхон харж чадлаа.

Энэ удаагийн футзалын УАШТ-д “Хүрхрээ” үндэсний I лигийн 8 баг багтсан. Эдгээр багууд хэсэг тус бүрийг толгойлон оролцож байгаа нь тамирчдын өрсөлдөөнийг ихээхэн сонирхолтой болгож чадлаа.