m.mn
түрүүлж мэдээлнэ
Архив
2015.11.30 07:24
72
Шинэ байрны цэвэр усны шугамд гэмтэл гарчээ

Дархан-Уул аймгийн шинэ хорооллын  тавдугаар байрны ар талд цэвэр усны шугам гэмтсэн байна. Уг гэмтлийг “Дархан ус суваг” компанийн ажилтнууд энэ амралтын өдөр арилгасан боловч дахин орон сууцны шугам гэмтэж зоорин давхар ус алджээ.

Одоогийн байдлаар шуурхай хэсэг ажиллаж байгаа боловч орон сууцны нэг давхарт үйл ажиллагаа явуулах аж ахуй нэгжийн шатыг нураах шаардлага үүссэн байна. Дархан ус суваг ХК-ийн ерөнхий инженер Ч.Удвал хэлэхдээ "ААНБ-ууд инженерийн шугам сүлжээний байгууллагаас газар доор ямар шугам хоолой байгаа эсэх талаар зөвшөөрөл авахгүй дураар барилга, хөрөнгө оруулалтууд хийж байна. Гэмтэл гарсан учраас бид гэмтлийг арилгах үүрэгтэй. Гэтэл иргэн, ААНБ-уудын эд хөрөнгөд халдсан асуудал дараа нь яригддаг учраас эзнийг нь иртэл ажиллагааг эхлүүлж чадахгүй хүлээж байна гэв. Цаашид инженерийн шугам сүлжээ байрлах газарт зөвшөөрөл олгох талд анхаарах хэрэгтэй" гэжээ.