ОХУ-ын зэвсэгт хүчний Су-24 онгоцыг Туркийн сөнөөгч онгоцнууд сөнөөсөн тухай мэдээлэл дэлхий нийтийн халуун сэдэв болоод буй. Тэгвэл онгоцны хоёр нисгэгчийн нэгийг шүхэртэй газардаж явахад нь исламын зэвсэгт дайчид буудан хөнөөж, улмаар цогцсыг нь тойрон шуугилдаж байгаа бичлэг цацагдсан юм. Тэгвэл Су-24 онгоцны нөгөө нисгэгчийг Сирийн армийн тусгай хүчний албан хаагчид зургаан цагийн турш эрэн хайсны эцэст зэвсэгт дайчдын хяналтад байгаа нутаг дэвсгэрээс аварч гарсан байна. Аврагдсан нисгэгчийг Оросын цэргийн баазад хүргэж өгсөн байна.