Улсын заан Ц.Баярсайханд холбогдох давж заалдах шатны шүүх хурал болж хэргийг хянаж үзээд дахин хэлэлцүүлэх шаардлагатай гэж үзэн анхан шатны шүүхэд буцаажээ.
Түүнд холбогдох шүүх хурал өнгөрөгч нэгдүгээр сарын 4-нд Баянзүрх, Чингэлтэй, Сүхбаатар дүүргийн анхан шатны шүүхэд болж, чанга дэглэмтэй хорих ангид 11 жил хоригдох ял оноосон билээ. Мөн Ц.Баярсайханыг Эрүүгийн хуулийн 148.4-өөр хэрэг үүсгэн шалгасан бөгөөд бусдын эд хөрөнгийг хууран мэхлэх замаар залилсан хэмээн буруутгаж, хоёр сая төгрөгийг хураан авах шийдвэр гаргасан байдаг юм.