Олимпийн эрх олгох хүндийн өргөлтийн насанд хүрэгчдийн Ази тивийн аварга шалгаруулах тэмцээн өчигдрөөс Узбекстаны Ташкент хотноо эхэллээ. Тус тэмцээнд манай улсаас эрэгтэй, эмэгтэй  баг оролцож байна.

Эрэгтэйчүүдийн 56 кг-д өрсөлдсөн ОУХМ Ө.Чагнаадорж VIII байрт орлоо

Өчигдөр эрэгтэйчүүдийн 56 кг-д өрсөлдсөн ОУХМ Ө.Чагнаадорж VIII байрт орлоо. Тэрбээр огцом өргөлтөөр 110 кг, түлхэлттэй өргөлтөөр 140 кг, нийлбэрээр 250 кг-ыг өргөжээ. Түүний хувьд энэхүү амжилтаараа улсынхаа өөрийн тогтоосон залуучууд болон насанд хүрэгчдийн рекордыг тус бүр гурав, нийт улсын дээд амжилтыг зургаан удаа шинэчлэн тогтоолоо. Ө.Чагнаадоржийн өнгөрсөн онд АНУ-д болсон ДАШТ-д оролцсон бол энэ оны насанд хүрэгчид болон залуучуудын улсын аваргад түрүүлсэн юм.

Азийн аваргаас олимпийн эрхийг багийн дүнгээр олгосон. Тодруулбал, тэмцээний сүүлийн өдөр эрэгтэй, эмэгтэй багийн дүн гарч РИО-г зорих баг тамирчид тодорно.