Их Монгол Улсын гудамжны 2.1 км авто замын өргөтгөл шинэчлэлтийн ажлын хүрээнд Замын Цагдаагийн баруун урд уулзвараас Баянмонгол хорооллын уулзвар хүртэлх замын хөдөлгөөнийг түр хугацаагаар хааж хучилтын ажил хийнэ. Замын Цагдаагийн баруун урд уулзвараас Баянмонгол хорооллын уулзвар хүртэлх  хэсгийн хөдөлгөөнийг өнөөдрийн 00:00 цагаас тавдугаар сарын 01-ний 23:00 цагийн хооронд, Замын Цагдаагийн баруун урд уулзварыг  дөрөвдүгээр сарын 29-ний 22:00 цагаас 30-ны 10:00 цагийн хооронд тус тус хэсэгчлэн хаах юм.

Замын Цагдаагийн баруун урд уулзварыг  дөрөвдүгээр сарын 29-ний 22:00 цагаас 30-ны 10:00 цагийн хооронд хаана

Энэхүү хязгаарлалтай холбогдуулан нийтийн тээврийн үйлчилгээний нийт дөрвөн чиглэл буюу Ч:10 "Ганц худаг-Сансар-Баянмонгол хороолол-Мишээл экспо", Ч:28 "Сэлх-7 буудал-Ард кино театр-Ривер гарден хороолол", Ч:32 "Улиастай-Баянмонгол хороолол-ТЭЦ3", Ч:44 "Нарангийн гол-ТЭЦ3-Дүнжингарав худалдааны төв" чиглэлүүдийн замналд өөрчлөлт ороод байна.  Дээрх чиглэлүүдийн нийт 39 тээврийн хэрэгсэл Үндэсний цэцэрлэгт хүрээлэнгийн замаар үйлчилнэ.