m.mn
түрүүлж мэдээлнэ
Архив
2016.04.29 04:58
75
Сонгуульд оролцох хүсэлтээ өгч эхэллээ

Сонгуулийн тухай хуулийн 153 дугаар зүйлд намыг төлөөлж тухайн аймаг, нийслэл, сум, дүүрэг дэх намын салбар байгууллага нь сонгуульд оролцох хүсэлтээ аймаг, нийслэл, сум, дүүргийн сонгуулийн хороонд санал авах өдрөөс 60-аас доошгүй хоногийн өмнө ирүүлнэ гэж заасны дагуу улс төрийн нам, эвслүүд нийслэлийн ИТХ-ын 2016 оны ээлжит сонгуульд оролцох хүсэлтээ нийслэлийн сонгуулийн хороонд албан ёсоор хүлээлгэн өгч эхэллээ. 

ИТХ-ын 2016 оны ээлжит сонгуульд оролцох хүсэлтээ өгч эхэллээ


Өчигдөр буюу дөрөвдүгээр сарын 28-нд Үндэсний Аудитын газрын харьяа нийслэлийн Аудитын газар нийслэлийн Иргэдийн төлөөлөгчдийн хурлын 2016 оны ээлжит сонгуульд оролцохоор бүртгүүлэх хүсэлт гаргасан улс төрийн нам, эвслийн ирүүлсэн “Сонгуулийн мөрийн хөтөлбөр”-т Монгол Улсын Сонгуулийн тухай хуулиар тодорхойлсон бүрэн эрхийн хүрээнд аудит хийн дүгнэлт гаргаж, нийт 16 нам, эвслийн мөрийн хөтөлбөрийг нийслэлийн Сонгуулийн хороонд хүлээлгэн өгсөн юм.
Нийслэлийн сонгуулийн хороо өнөөдөр 22:00 цаг хүртэл нийслэлийн ИТХ-ын 2016 оны ээлжит сонгуульд оролцох 14 нам, 2 эвслийн хүсэлтийг хүлээн авах бөгөөд хамгийн эхэнд 10:10 цагаас Монгол ардын хувьсгалт нам, дараа нь Монголын ардчилсан хөдөлгөөний нам, нийслэлийн Бүгд найрамдах нам сонгуульд оролцох хүсэлтээ өглөө.

Харин 11:40 цагаас Нийслэлийн Монгол ардын нам, 12:30 цагаас Нийслэлийн Ардчилсан нам нийслэлийн ИТХ-ын 2016 оны ээлжит сонгуульд оролцохоо албан ёсоор мэдэгдэж, мөрийн хөтөлбөрөө хүлээлгэн өгөв. Намууд Монгол Улсын Үндсэн хууль, Сонгуулийн тухай хууль, бусад хуулийг чандлан баримталж, сонгуульд оролцохоо мэдэгдлээ. 
 

Нийслэлийн сонгуулийн хороо дараах 16 нам, эвслийн хүсэлтийг хүлээн авна. Үүнд:

  • Нийслэлийн Ардчилсан нам
  • Нийслэлийн Монгол ардын нам
  • Нийслэлийн Монгол ардын хувьсгалт нам
  • Иргэний зориг ногоон нам
  • Нийслэлийн Бүгд найрамдах нам
  • Ард түмнээ хайрлая нам
  • Хөдөлмөрийн үндэсний нам
  • Нийслэлийн Монголын уламжлалын нэгдсэн нам
  • Нийслэлийн эрх чөлөөг хэрэгжүүлэгч нам
  • Хөгжлийн хөтөлбөр нам
  • Тусгаар тогтнол, эв нэгдлийн нам, Монголын ногоон намын “Нэгдмэл монгол” эвсэл
  • Хамуг Монголын хөдөлмөрийн нам, Эх орончдын нэгдсэн намын “Эх орончдын нэгдсэн эвсэл”
  • Монголын ардчилсан хөдөлгөөний нам
  • Нийслэлийн Монголын үндэсний ардчилсан нам
  • Монгол Консерватив нам
  • Иргэний хөдөлгөөний нам