Монгол Улсын Филармони зургаадугаар сард “Монголын сайхан орон” зорилтот төслийг хэрэгжүүлж байгаа билээ. Тэгвэл энэ удаад Дэлхийн суут хөгжмийн зохиолч П.И.Чайковскийн “Симфони №6”, “Жилийн дөрвөн улирал” зэрэг бүтээлээс бүрдсэн сонгодог хөгжмийн тоглолтоо үзэгч сонсогчдодоо толилуулахаар болжээ.
П.И.Чайковский Орос хүн гэдгээрээ бахархдаг, эгэл жирийн нэгэн. Тэрээр 1840 онд мэндэлсэн бөгөөд төрөлх Воткинск нь уулын үйлдвэрийн суурин бөгөөд тосгоноос ялгагдах юмгүй жижигхэн газар амьдардаг байв. Түүнд хамгийн анх ээж нь Глинкийн “Иван Сусанин” дуурийг үзүүлж байж. Түүнээс хойш Моцерт, Глинк хоёр Чайковскийн хувьд насан туршид нь хамгийн хайртай зохиолчид болсон байна.

Зургаадугаар Симфони түүний суу билгийн оргил болсон

Тэрээр найман  настайдаа төгөлдөр хуур сайн тоглож сурсан бөгөөд сүүлд “Жилийн дөрвөн улирал” төгөлдөр хуурт зориулсан концертоо бичжээ. П.И.Чайковский нь жилийн дөрвөн улирал буюу 12 сар тус бүрээр нэрлэсэн төгөлдөр хуурын цуврал аялгуунуудыг бичиж, Дөрвөн улирал ээлжлэн солигдох бүрийд хүмүүний амьдрал хийгээд байгаль ертөнц хэрхэн хувьсан өөрчлөгдөж буйг хөгжмийн яруу тансаг аялгуугаар илэрхийлсэн нь энэхүү бүтээлдээ тухайн үеийн орос орны ахуй амьдрал, аж байдлыг дүрслэн харуулжээ.

Амьдралынхаа сүүлийн дөрвөн жилд тэрээр “Гилбэрийн хатан”, “Иолантаа дуурь”, ‘’Нойрсож буй гоо бүсгүй”, “Шелкунчик” балет болон “Симфони №6” бичсэн. Түүнчлэн зургаадугаар Симфони түүний суу билгийн оргил болсон бөгөөд Английн Кембриджийн их сургууль докторын эрдмийн ажлыг нь хамгаалуулалгүйгээр хүндэт цол гардуулсан нь П.И.Чайковскийн алдар нэрийг бататгасан нэгэн үйл явдал юм.

Дэлхийн суут хөгжмийн зохиолч П.И.Чайковскийн “Симфони №6”, “Жилийн дөрвөн улирал” зэрэг бүтээлээс бүрдсэн сонгодог хөгжмийн тоглолт болно

Тэгвэл эрхэм сонсогчид та бүхэн суут хөгжмийн зохиолчийн Симфони №6, “Жилийн дөрвөн улирал” зэрэг бүтээлийг нь сонордохыг хүсвэл энэ сарын 24-ны өдөр улсын Филармонийн концертын танхимыг зориорой. Тоглолтонд Улсын Филармони Симфони найрал хөгжим, удирдаач Д.Нямдаш/СТА/ ,Б. Батбаатар, хөтлөгч тайлбарлагч Ч.Буянхишиг /СГЗ/ нар оролцоно.