Испани улсын Мадрид хотноо болох олон улсын уламжлалт "Гран-при" тэмцээнд манай эрэгтэй баг тамирчид оролцохоор болжээ. Тус тэмцээн нь сонгомол барилдаан, эрэгтэй, эмэгтэй чөлөөт бөхийн төрлөөр болдог юм. Энэ тэмцээн нь олимпийн “Рио-2016” наадамд оролцох эрх авсан манай бөхчүүдийн хувьд олимпийн наадмын өмнөх сүүлийн сорилго тэмцээн болж байна.Эх орноо төлөөлөн 57 кг-ийн жинд МУГТ Э.Бэхбаяр, 65 кг-д МУГТ Г.Мандахнаран, 74 кг-д МУГТ Пүрэвжавын Өнөрбат, 86 кг ОУХМ О.Үйтүмэн, 96 кг-д Д.Хүдэрбулга нар оролцох аж.
Испанийн “Гран-При” тэмцээнд манай бөхчүүд сүүлийн удаа 2013 онд оролцож эмэгтэй 55 кг-ийн жинд С.Бямбацэрэн, 72 кг-ийн жинд О.Бурмаа нар хүрэл медаль хүртэж байжээ.