Гоо сайхны мэргэжилтнүүд эр хүн насан туршдаа 20 мянга гаруй удаа сахлаа хусдаг гэсэн тооцоо гаргажээ.Танд зөвлөхөд сахал хусахад хэрэглэдэг гоо сайхны бүтээгдэхүүнүүдэд анхаарах хэрэгтэй.
-Сахлаа хусахын өмнө хөөсөө сайтар түрхэх хэрэгтэй. Хөөс нь ширүүн үсийг зөөлрүүлж, хусахад хялбар болгодог.
-Синтетик будаг, спиртийн найрлага хэт орсон бүтээгдэхүүн хэрэглэн сахлаа хусахад арьс хорсдог.
-Сахлын хөөсөнд гаа юм уу, бензокайн орсон байвал арьс түр хугацаагаар мэдээ алддаг.
-Сахлаа хусахдаа хацраасаа эхэл. Дараа нь уруул дээгүүр тэгээд хамгийн эгзэгтэй, төгсгөлийн хэсэг болох эрүү орчмыг хусч дуусгана.
-Ширүүн сахлыг хуссаны дараа халуун жин тавих нь цусны эргэлтийг сайжруулна.
-Хусаж дуусгасны дараа хөөс, савангийн үлдэгдлийг авч арьсандаа иллэг хий. Энэ нь нөхөн сэргээх процессыг сайжруулна.
-Гель, крем, маск гэх мэт гоо сайхны бүтээгдэхүүн хэрэглэ.
-Хэрэв сахлын хутгаар ялимгүй зүссэн бол цусыг зогстол хүйтэн жин тавиарай.
-Шарх анихад нүүрэндээ чийгшүүлэгч бальзам эсвэл гель түрхээрэй.