Шинэ долоо хоногийн эхний өдөр Монголын Хөрөнгийн Бирж дээр зөвхөн хувьцааны хоёрдогч зах зээлийн арилжаа явагдан ба нийт 21 компанийн 13,349 ширхэг хувьцаа 11.16 сая төгрөгөөр зарагдав.
Ангилалын хувьд I ангилалд 5 компанийн 6,895 ширхэг хувьцаа 5.54 сая төгрөгөөр арилжигдсан бол II ангилалд 13 компанийн 6,389 ширхэг хувьцаа 5.57 сая төгрөгөөр, III ангилалд 3 компанийн 65 ширхэг хувьцаа 53,122 төгрөгөөр тус тус арилжигдлаа.
Ханшийн өөрчлөлтийн хувьд зах зээл дээр энэ өдөр өсөлт давамгайлсан бөгөөд 11 компанийн хувьцааны ханш өсч, 8 хувьцааны ханш уналттай хаагдсан байна. Ханшийн өсөлтөөр Е-Моние /MSE:HCH/-ийн ханш 15.0%-ийн өсөлтөөр, уналттай хувьцааг Дархан зочид буудал /MSE:DZG/-ийн хувьцаа -13.33%-иар тэргүүлжээ.
Салбарын үзүүлэлтийн хувьд тоо ширхэгээр Хүнсний салбарын хувьцаа хамгийн идэвхитэй нь байсан бол үнийн дүнгээр Уул уурхайн салбарын хувьцаа нийт арилжааны 37.36%-ийг бүрдүүллээ.